|
الهزه اتلفت حمامي
سلام عليكم
ياجماعه احد يفيدني الحمام امطعمه والمكان نظيف والغسيل والعلف والماي والسباحه كل يومين والقهر كل اسبوع يطلعلي فرخ فيه هزه ابي حل اطعم مره ثانيه ولا شنو اسوي |
غريب
حضرتك ما خليت شى ما سويته من عنايه و ما اعتقد انك مقصر لكن ما فى داعى للسباحه كل يومين مره بالاسبوع كافى و الظاهر ان المرض عندك موجود قبل التطعيم لذلك تأكد من كل طير و الى تشك فيه اعزله حالا و حاول ان تقسم حمامك الى مجموعات الصاحى لوحده فى مكان غير المكان الحالى و خلى الحمام تحوشهم الشمس مده طويله
|
المشكله الطيور اليوم اشوفها صاحيه فجاه المح طير تعبان فا اشيله على طول وقطه بالشمس
|
اخوي نصيحة مني اول شي امسك الحمام كلة وضعه في الاقفاص وعقم اللوفت كامل وبعدين طلع حمامة حمامة وكل وحده تعقم ارجولها بس لازم تعقم اللوفت كامل من جميع الاماكن وبعدين تعقم الاجل طبعا يكون الحمام بالقفص عشان تتأكد انا الفايروس مايرد على المكان وتركز على الحمام كل ماتشتبه في هزه حد سكينك والغسول كما قال التحالف مره بالاسبوع او مرتين بالكثير والله يعوض عليك |
هل
هل تعالجهم عن السلمونيلا والكوكسيديا هذا ضرورى
|
السلام عليكم ورحمة الله وبركاته
اخي اول شئ ريح حمام المطيار لان اي جهد راح يروح كل الحمام الشئ الثاني كورس كامل كوكسي بلس وثيرابريم لمدة ست ايام متواصلة وانشاء الله تشوف الحمام طيب واحرص علي عدم تغيير الخلطة |
السلام عليكم ورحمة الله وبركاته ماقصروا الابطال بالاجابه ولاتدخل عليهم حمام جديد شـكــ وبارك الله فيك ـــرا لك ... لك مني أجمل تحية . |
حياك الله اخوي agra3_78 أخي الكريم من وصفك للوفت ونظافة الحمام والمطعم والمشرب وانك مطعم الحمام فأعتقد ان اللي عندك عايز علاج كوسيديا وسالمونيلا وليس له علاقة بالبراميكسو فايروس لكن السالمونيلا أيضا ممكن تهز رأس الطير لذلك انصح بإعطاء الحمام كما قال اخي بدر السنافي كوكسيديا وسلامونيلا لمدة 6 أيام او 7 بعدها اعطي فيتامينات لمدة ثلاث ايام وإن شاء الله تحصل نتيجة طيبة لكن الدواء في الميعاد لا تتطوف يوم وللحمام كله والاخوان ما قصروا في ردودهم موفق بإذن الله ... لك مني أجمل تحية . |
اشكر الجميع على الاهتمام .....
وانا الحين ريحت الحمام من المطيار مع كورس ...(كوسيديا مع سالمونيلا) والحمدالله الحاله تتحسن وهذا مع تعقيم المكان ... والله يبعد عن حلالكم الامراض هذي وتقبلو فائق الاحترامي مني |
| الساعة الآن 06:52 AM. |
Powered by vBulletin® Special Version Ultimate Users, Copyright ©2000 - 2024, Jelsoft Enterprises Ltd.