|
هام جدا بخصوص مرض ابو رقيبه
بسم الله الرحمن الرحيم
السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين اذا في احد عنده حمام غالي ونادر وصار فيه مرض ابو رقيبه يعزله ومايذبحه او يطيره انا اقول لكم ليش ! انا مره رحت سوق الحمام وبغيت اشتري حمام باكستاني وشفت واحد من الي يشترون ماخذ حبه فيها بورقيبه قلت له ترا مريضه شيلها قال ادري وعادي انا ابيها استغربت منه قلت يا انا متوهم او اهوا مو صاحي ؟؟؟ لمن جيت بمشي قالي شوف الحمام الي يصير فيه ابو رقيبه لاتذبحه ولا تطيره اذا كان غالي ونادر . سالتها شلون راح يعدي الحمام ويجيب العيد !!!! قال الطير الي يمرض بهالمرض اعزله بخانه ومع الايام اذا مرض طير ثاني نفس النوع همن اعزلهم ويا بعض قلت دام انه مرض ماله علاج ويمرض الحمام ليش اخليه وشمعنى تقولي اذا حمامك غالي ونادر؟؟ قال الي فيه ابو رقيبه فتره ايام وتتعدل بس تكون فيها الصده ولفت الارقبه وعادي يتزاوجون وينتجون والفرزخ سليمين انصدمت من كلامه وقلت انا غبي اسمع كلامه. بعد فتره صارت عندي الحاله ومع حمامه حيل نادره عزلتها وماذبحتها وبعدها همن نفس الحاله حمامه ثانيه نفس النوع وخليتهم مع بعض وتزاوجو وباضوا وفرخوا وطلعت منهم طيور سليمين 100% والشغله انا مجربها وحبيت افيدكم والتجربه صارت معاي انا شخصيا وفي حل ثاني عطني واحد من شباب طيره في ابو رقيبه يوم دره انه الطيره صارت زين يبيهاا :d وزعل علي الصديق علي شان الطيره مع العلم عطنيهاا اهي وشهاده:) الطيره من انتاج المسره مسجله في جناحه 13 مره من ظمن الاويل المهم وخلل 15 يوم صحصحت الطيره وراحت منهاا بو رقيبه وانتجت منهاا طبات سلمين والحمدالله خلل الايام الجايه راح اشرح لكم الطريقه 100 بل 100 |
شـكــ وبارك الله فيك ـــرا لك ... لك مني أجمل تحية .
موفق بإذن الله جزاك الله خير |
اقتباس:
حياك الله اخوي / عقيل عجاج وشكرن لك علي المرور الطيب |
صباح الخير اخ عادل...ومشكور على عرض الموضوع المفيد...مرض ابورقيبة هو اللي يسمونه الكوكسيديا، واهم شيء طبعا تعزل الطير المصاب سواء كان غالي او رخيص حتى لايعدي بقية الحمام، وتفترض كذلك ان كل مرض معدي حتى لو لم يكن معديا، وهذا من باب الاحتياط....ومرض الكوكسيديا ليس خطير وعلاجه متوفر، لكن الخوف هو من مرض الكنكر الذي في غالب الاحيان يأتي ليغزو جسد الطير الذي كان مصاب بالكوكسيديا وخصوصا خلال موسم الصيف...أنا الآن عندي طير مصاب بالكوكسيديا ، والطير شاريه غالي وما ثبت عندي وطار، وبعد يومين رجع الطير، وعليه ملامح هذا المرض، واول ما جاء مسكته وعزلته لوحده، وأعطيته دواء الكنكر في الماء وما عطيته دواء الكوكسيديا، لكن أضفت للماء نصف ثوم مثرم مع القليل من المره، والحمدلله تحسن وصار يأكل ويشرب ومخلفاته الله يكرمك صارت طبيعية ولكن لازالت رقبته مو زينة شوي وهذا الشيء انا عامل له حساب، لأني ابي ابعد عنه شبح الكنكر اول شيء، وايضا اطمئن عليه انه ماراح يموت، وبالنسبة للكوكسيديا امره سهل ان شاء الله... أقدر أعطيه دواء الكوكسيديا بعد اسبوعين أو بعد شهر مو مشكلة ، هذا اذا ما طاب من كيفه.....وناطرين جديدك...وتقبل تحياتي وتقديري
|
مشكور اخ عادل معلومات قيمة ننتظر مزيد من معلوماتك
يا مبدع موفق بإذن الله ... لك مني أجمل تحية . |
اقتباس:
شـكــ وبارك الله فيك ـــرا لك ... لك مني أجمل تحية . |
اقتباس:
صباح النور يا هلا وغلا وحياك الله شكرن لك علي الشرح مشكور علي المرور اذا ابو رقيبة مره علي فوق 20 يوم ما يعدي علي حسب علمي :) |
اقتباس:
علي المرور الكريم |
شـكــ وبارك الله فيك ـــرا لك ... لك مني أجمل تحية .
|
صباح الخير ابوجعفر....يسعد صباحك حبيبي ومية هلا بيك...المره يا عزيزي هي المسماة بالصمغ العربي اذا انا مو غلطان...بالانجليزي
Myrrh اخوي عادل...اذا انا فهمت تعليقك الأخير...انا ما اعطيت الطير المريض مره بس، اعطيته دواء الكنكر بودره مذابة في الماء، وهو الدواء الرئيسي، أما المره والثوم فهي مضافة للتقوية الطبيعية كمضادات حيوية تسرع العلاج وماتضر.....وصدقني ان المره تعالج كل شيء، بس أنا من طبيعتي عدم المجازفة....يعني خواف بصراحة....مع أن قراءاتي واطلاعاتي تقول أن المره يستخدمها المسيحيين في الغرب لحد الآن وأهملناها نحن ونحسبها تخلف وشغل عجايز....وتقبلوا تحياتي وتقديري http://www.youtube.com/watch?v=TUjxSFRrWto http://www.youtube.com/watch?v=n3TbopOe36Y |
| الساعة الآن 01:41 AM. |
Powered by vBulletin® Special Version Ultimate Users, Copyright ©2000 - 2024, Jelsoft Enterprises Ltd.