[عادل الفدعاني]

بسم الله الرحمن الرحيم

السلام عليكم ورحمة الله وبركاته

اخواني الاعضاء منتديات الاتحاد الكويتي لسباق الحمام الزاجل

حبيت اشكر الابطال

الاخ سعود الخلاوي والاخ بدر زبن


دعمهم لي . ... فجاني اتصال قبلها بساعات من البطل سعود الخلاوي وقال تستاهل ياعادل

12 زوج من افضل سلالات الكوبمان والجانس وشفرز

وبعدهاا ساعات قمت بل الاتصال بل الاخ بدر زبن وشكرني علي القصيده وبعدهاا قال ياعادل قلت هلا قال لك ذكر وانث من افضل الطيور


وهذهاا الشي مو غريب علي الابطال الاتحاد



وهذي ابيات مني لكم وجزاكم الله خير


كل ما احس وسط القلـب هـمٍ وضيـق

أتطـرف واحضـر دفتـري وقلـمـي

جايب شاي لبتـون حاكـره فـي ابريـق

زايـد بكيلتـه تقـل شـاي إعجـمـي

لي بالشعـر نظـره فـوق قمـة إطويـق

يـوم بعـض الأوادم بالنظـر منعـمـي

بين طـرقٍ جديـد وبيـن معنـىً عميـق

وبين حبك القصيد وبين طـول إنسمـي

فيه قولٍ يليق وفيـه قـول ماهـو يليـق

واعرف ابعاد قـول ظاهـرٍ مـن فمـي

يوم أجـي جيـت للعالـم بوجـهٍ طليـق

جيت من دار سلمى مسلمٍ و(( أسلمـي ))

ماتكبـرت يـوم الله فتحلـي طـريـق

ولاقهـرت الصغيـر ولاحقـرت آدمـي

واحمـد الله يـوم انـه عطانـي صديـق

مثل (( سعود الخلاوي وبدر زبن)) سيفـي ومحزمـي

من سلايل (( عطا )) يوم القنا لـه زريـق

سيلوا وادي مـن كثـر صـب الدمـي

يا (( العوازم )) محازم من يضـام ويضيـق

مــن ورد عـدهـم راويٍ ماضـمـي

حشمـةٍ للقصيـر وفـزعـةٍ للرفـيـق

والدخيل ان زبـن فـي بيوتهـم يسلمـي

جعل ينشي سحابٍ غـادي لـه صفيـق

تحسبٍ صـوت رعـده للمدافـع رمـي

سيـل القـاع مـع وديانهـا والمضيـق

مـن حـدود النجيـره سيـل للسالمـي

يـا بـروقٍ تناهـا مثـل لمـع البريـق

وجهي(( للعـوازم )) سلمـي وإسلمـي

وكان تبغـى صديـقٍ مامثيلـه صديـق

من خيار (( العوازم )) خاولك (( عازمي ))