هذا الشعر هديه مني لافعال اللميع للاتحاد كلام قول وفعل
قالو من اللى تذكـره بالمواجيـب اللـى لياشـح الزمـن تلتجيلـه
قلت ابقوله دون شكـن ولاريـب يفرق عن الاصحاب مامن مثيلـه
ياقل من مثله يجـى بالاصاحيـب نعم الرجوله وافـى الكيـل كيلـه
ابذكره عنـد الربـع والاجانيب المدح فى شـرواه ياخـذ حصيلـه
هذاك علي لاحدتـك المطاليـب اليا عصاك الوقت حملـك يشيلـه
ابن اللميع القـرم نعـم المجاذيـب ياسعـد منهـو بالـوازم يجيـلـه
قول وفعل وقت الرخا والمصاعيب حلال عسـرات الامـور الثقيلـه
حرا تعـلا فـوق روس المراقيـب ماينزل الواطـى بـراس الطويلـه
والله مايوجد ابشخصـه عذاريـب كـل العلـوم الطيبـه تستويلـه
يشتت افكارك بكثـر التعاجيـب تحتار قى وصفـه ومـدت جميلـه
ان قلت طيب قلت هو ماكر الطيب ماينحنى للطيـب هـو ينحنيلـه
وان قلت وافى مايبيلـه تجاريـب حب الوفا طبعـه وغايـة سبيلـه
يعجزك بالطيب شرقـا وتغريـب مثل السحاب اللى تحـدر مسيلـه
مالك معه والله سعـي ومقاضيـب مـن طاولـه خسـران واعزتيلـه
يباشرك وان جيت بحلا بالتراحيـب وجهن بشوش ويعجبـك بتهليلـه
يقدر الصاحب ويكرم عن العيـب حرام مـاوالله تجـى منـه عيلـه
عزيز نفس وفيه حلـو الاساليـب مافيه يومن حـس خاطـر زميلـه
ابختصر بالمـدح كلـه مكاسيـب كامل بدون اقصور مافيـه حيلـه