السلام عليكم ورحمه الله وبركاته
شكرا شكري .. اتشكر منك واشكرك جزيل الشكر مشكورا على مشاركتك المشرفه واكرر شكري لك شاكرا متشكرا
وعسى ان نكون وإياك من الشاكرين
هذا الموضوع الذي لايعتبر شكوى بالنسبه للمنتدى والأعضاء ، لأن المنتدى يخلي مسؤوليته من اي بيعه او مزاد و الادارة ماتشوف الحمام قبل ان يعرض او تفحصه و لذلك موضوعك موجه لي انا لأن مافي احد بيرد عليك.
اولا اشكرك على حماسك وتفاعلك
ثانيا اشكر اخوي فهد الوطري على الرد السريع
الموضوع
انا سوف ارد ولو انك مو صاحب الطير ولا اعرف من انت .. لكن بما أن الموضوع طرح امام الجميع
الطير رسى على مهند ابوحسين في
20-11-2015
الطير الثامن
الرابط
http://www.kwtzajelunion.com/vb/show...ght=08-6112588
صوره السومه
عندي علم عن الموضوع بأن الطير مايصمل هذا بعد اتصال من الاخ
مهند ابوحسين ، بأن الطير هو اشتراه لأحد الهواه ، وانا قلتله
هل هذا الكلام اكيد ؟
قال ما اعرف بوحمود.
قلتله اخذ الطير وتأكد .. هذا الكلام مع الاخ مهند.
بعد اسبوعين اتصل فيني قال ان الطير مايصمل فعلا ، وفي يومين ارسلت مبلغ الطير
٥٠ دينار للاخ
مهند ابوحسن
و وصل الحواله عرضه الاخ بومشعل الحواله قبل ٣ شهور لكن شوفه بعد مره مايمنع
للعلم الاخ
مهند بعد ماستلم المبلغ قالي برسلك الطير و انا رفضت وحلال عليه
اخ شكري اذا انت سمعت غير هالكلام وغير الي تشوفه فهذه مشكلتك مع ان لايهمني ماسمعت لاني مو عارف موقعك بالامر ، انا رسلت المبلغ للشاري وكان كلامي معاه وانت ماكنت بالصوره ابدا ولا اعرفك بصراحه ماسمعت بإسمك من قبل .. لكن الله اعلم بمصلحه العباد
الله يهديك ٧ شهور من البيعه ، والمبلغ مرسل قبل ٣ شهور ، والحين تتكلم فيه لاجل ؟
اخ شكري هذه الامور طبيعيه جدا تحصل مع جميع الهواه ولافيها مشكله ولاهي اول مره تحصل
استاذ البايع اذا شريت منه مايشرط ان الطير يصمل او النثيه تبيض ولا يضمن وصولها لك ، هاذي روح وعلمها عند الله
والبايع ماينتج من الحمام او يفحص اذا هو منتج او لا خصوصا الي يجيب كميات .. لكن من طيب البايع يقدر الموقف ان يبدل الطير او يرد للهاوي قيمه الطير او او او
لكن من حق البايع ان يقولك ما أعلم عن الطير شي تشتريه ولا غيرك يشتريه ولا لك حق في شي لان هذا طير علمه عند الله .. هذا الامر بالحمام وغيره طبعا
بعطيك معلومه يا شكري لتفادي اي مشكله في شراء الحمام .. احيانا يكون الطير منتج لكن تتغير عليه الخانه او المكان ولا يصمل والاناث كذلك وهذا امر طبيعي ياشكري
وارجو منك ان تتريث ولا تدخل ولا تتفاعل لتنفعل .. الله اعلم بمصلحه العباد
شكرا شكري .. واتمنى ان تكون اجابتي وافيه
و رمضان كريم وتقبل الله صيامك وقيامك