السلام عليكم ورحمة الله وبركاته
اولا أشكر جميع القائمين على هذا المنتدى الرئع والمميز والمشرف لدولتنا العزيزه الكويت بنتائجه وأنجازاته ويشرفي ان اكون عضو في هذا المنتدى
ياخواني قصتي مع الحمام رجل عسكري بريطاني استأجر عندي شقه في منزلي سنه 1993 وستأذني ببناء محكر ولوفت للحمام فوق سطح منزلي وسمحت له وجلب معه حمام من بريطانيا زاجل وكان الرجل يوميا يدرب الحمام من مسافات وانا رجل لا اعرف شي عن الحمام في ذللك الوقت وكان يشرحلي عن الحمامه انه من سلاله قويه واصيله وفيه سر المهم ماطول عليكم الرجل سافر في سنه 1995 وقالي الحمام مانه عندك على انه بيسافر سبوعين ويرجع مع عائلة وانا كلفت الخدم برعايه الحمام لاني ما عرف للحمام وكان عدد الحمام لايتجاوز 30 سافر الرجل والي اليوم هذا مارجع وحاولت الاتصال فيه موعشان الحمام عشان اغراضه الي بشقه وسياره ولم استطع الاتصال به وفي سنه 1996 اتوني الخدم وقالو لي الحمام كثر وصار عدده كبير المهم حبيت الحمام واعتنيت فيه وتعالمت اشلون اطير وافرخ وادرب ولاحظت في الحمام طول هسنين شي غريب عجيب اولا الحمام فيه سرعه موطبيعيه مع العلم انه اكبر مسافه طار منها الحمام منطقه النويصيب وكان في بعض الاوقات يوصل قبل لاوصل البيت يمكن في بعض الناس تقول موصحيح الكلاام هذا لاكن انا رجل ديين ولا اريد ان احلف على هذا الشي وسابقت فيه مع احد الاصدقاء من نفس المسافه حمامي يوصل قبل حمامه باكثر من 20 دقيقه والحمام يوصل كله مو دفعات والملاحظه الثانيه في الحمام انه بلعاميه فازوز من يشوف اي شخص غيري يفز فز غير طبيعي يعني في اوقات اكون مشغول واوصي الخدم او الصبي على اكلهم يقولي الحمام من ندخل عليه المحكر يدعم الشبك وبس يطير داخل المحكر لدرجه انه بعض الحمام يتعور ويصاب وانا شكيت في هذا الكلاام ودخلت احد اصدقائي عليه المحكر وشفت بعيني هشي الغريب وانا اذا دخلت عليه مايتحرك وياكل من ايدي الحمام من يشوف انسان غيري يصير موصاحي بس يتفزز ويطير ويتعور والشي الثالث الحمام اذا طيرته مثلا الصبح يطير فوق البيت لفه وحده وبعدين يختفي يروح بعيد لدرجه اني ما اشوفه ومايرجع الا بعد ساعتين اواكثر الحمام يختفي ما ادري وين يروح وللعلم الحمام مادخل عليه اي طير من بره يعني كلهم من سلاله وحده وعلى كثر ماطيرت الحمام وهديته من مسافات ولا مره طول هسنين ضاعت حمامه ووصف الحمام حجمه حجم الزاجل العادي بس انه فيه تكويره في الجسم وعرض الصدر وقصر الذيل وحجم العين كبير والعيون لونها اسود والحمام اليوم عدده 250 ولاحمامه تختلف عن الثانيه لابلون ولا الجسم ولا لون العين وللعلم الوانهم زرق
واسف على الاطله وارجو من اهل الخبره والمعرفه افادتي في حل الملاحظات التي ذكرت ولكم مني جزيل الشكر اخوكم بوفهد المنصور*
« آخـــر الـــمـــشـــاركــــات »
06-18-2011, 03:49 PM
قصتي مع حمام البريطاني ارجو الدخول لأهل الخبره?
لازم تستشير اهل دين
العرض العادي
