[بوسلطان]

السلام عليكم ورحمة الله وبركاتة


اخواني هذا اول موضوع لي بعد الترحيب :)


يا اخوان عندي بعض التسائلات عن الحمام الزاجل !

كلكم مارستو هذي الهواية وصار عندكم ابطال بلا شك

ولاحظتو ان يكون فيه اخوان من نفس الام والاب... واحد ( بطل ).... والآخر نص ونص :))

السؤال اللي يطرح نفسه

هل حمام الزاجل يعتمد على ( الهيكل العام ) ؟

هل الانطلاق من الاقفاص له تأثير ؟

هل الجنس او الأصل له تأثير ؟

طبعاً هالشي عندما يكون الطير في اتم الصحه والاستعداد من ناحية التدريب


انا راح اطبق نضريّة الصقاره بما انهم كلهم لديهم عامل السرعه بالطيران وبحكم قل الخبره في مجال حمام الزاجل

ولاكن لتقارب الهوايتين من بعضهم البعض

في مجال الصقاره ناخذ طير الشاهين لعاملين و الثالث بعد التدريب اذا كان وحش ( غير مدرّب )

1 - الجنس .. ( الاصل )

هناك عدت اجناس يعرفونها من خلال علامات الريش

2 - الوسره .. ( الهيكل )


عندما نرى ان جنس هذا الطير من الاجناس الاصيله وتتوافر فيه مميزات السرعه من حيث الهيكل نحكم عليه

1 - بروز الصدر

2 - دق الريش ( تكون الريشه اقرب للضعيفه ولاتكون عريضه )

3 - قصر الساق

4 - طول الجناح

5 - حدّت الوجه

ويحكم عليه بعد التدريب بقابليّة نفس الطير ... اذا كان حاد الطباع او اذا كان بارد ( وهذا هو العامل الثالث )


نعم نقول لكل قاعده شواذ فهناك طيور غير اصيله وتكون اقوا واسرع واشرس من الاصيله ولاكن نسه 30%

اللي ابي اقوله هل الهيكل له تأثير بالحمام الزاجل ... واذا كان له تأثير كم بالميه ؟

هل الهده من الاقفاص لها تأثير بالحمام الزاجل ... واذا كان له تأثير كم بالميه ؟

هل الجنس له علاقه بالحمام الزاجل ... واذا كان له تأثير كم بالميه

هذا الموضوع للنقاش والاستفاده

ارجو الاجابه عليه من كل الهواه وبحكم الخبره

سامحوني على الاطاله وشاكر لكم

اخوكم ومحبكم بالله ( ابو سلطان العازمي )