هداء مني لبو رائد
فـلــذة كــبــدي الكبتن لنـفـعـاتـه طــــراه
الله يـخـلــي الكبتن لـعــيــن ٍ تـرتـجـيــه
ذاخـره فـي بيـت عـز ٍ ينومـس مــن بـنـاه
الكرم والعـرف والديـن والعـرض النزيـه
بيت ابوك اللي ما ينشب لسانه فـي جمـاه
وانت من عرقٍ سنافـي ومـن عـرقٍِ نبيـه
جـد عمـك منسـف وسيـف وشـداد ٍ حمـاه
وجـد خالـك هيبـه وسمعـة ٍ مـثـل الجنـيـه
افتخـر بالاصـل والفصـل والـديـن النـجـاه
يـوم يفـر الـمـرئ مــن امــه ومــن ابـيـه
وفي الشهادتيـن والصـوم وايتـاء الزكـاه
والصلاه وحـج مـن يستطيـع السبـل اليـه
يسـلـم المـسـلـم لـربــه ولا يـعـبـد ســـواه
حب , توكل , رجا , خوف , كفر ٍ بالشبيه
اتـبـع سـنــة نـبـيـك لـــو تـصـيـر اشـتـبـاه
فــي نـظـر مــن لا يـخــاف الله ولا يتـقـيـه
واعلـم ان النـوم بيـن الاقـامـه والـصـلاه
حسره وغبـن وندامـه علـى اللـي يهتنيـه
والريـا والغـدر والـكـذب مــا يــذري ذراه
والحسـد والظـلـم والكـبـر ينـهـي مبتـديـه
والـربــا نـــار ٍ تـلـظـى ولـعـنـتـه تـغـشــاه
وكـاتـبـه وآكـلــه و مـوكـلــه وشـاهـديــه
واحـذر الفتنـه ولا تنقـض عـهـود الــولاه
واجـب البيعـه قبـل هيـبـة شـعـار البـريـه
من نشا عوده على المعصيه عاقت صباه
وشبـع جـوع وثقـل حمـل وكـلّـت منكبـيـه
ولا تجـي غايتـك مثـل السبيـل لمـن بـغـاه
تحذف ثوبك على النـار وتقـول : احفظيـه
ولا تخاوي من تغلبه على العـرف العيـاه
ترا الاحمق ما يدلك على الشـور الوجيـه
ولا تجالـس مـن يــذم المقـفـي فــي قـفـاه
حتى لو ان كـل عـذروب قالـه فيـه .. فيـه
الله لا يسـعـد صبـاحـه ولا يـسـعـد مـســاه
عــز نفـسـك عـنـه ولا يـجـيـك ولا تـجـيـه
و دلـو خـلان الرخـا لا تـجـوّد فــي رشــاه
مــن كلـتـه الـنــار مـنـهـم تـوقّــا والـديــه
ولا يذلل ضيف مجلسـك لـو يرفـع عصـاه
ولا تـردى فـي نسيبـك ولا ترخـص ذويــه
وحتى سابع جار لو جـار لا تسهـج حمـاه
عقّـب اللـي مـا ينومـس قصيـره ويحمـيـه
واحتـمـل زلــة رفيـقـك ولا تبـحـث خـفــاه
سـيّــةٍ تـدفــع بـحـسـنـا وذخــــر ٍ تقـتـنـيـه
و سـدد وقـارب وكـل امـرئ ٍ لـه مـا نـواه
وكـــل رجـــال ٍ قـدايــم عـلـومـه تحـتـريـه
بعـدهـا قــم قـــام حـظــك وشـــد الانـتـبـاه
وانص جنبك اهل الفعايل مطاليق الوجيه
وخص سلطان بن وسّام وابلغـه الوصـاه
شاعـر ٍ عاقـل ولا يسفهـه غـيـر السفـيـه
مـن ربـوع ٍ مثـل ضلـع ٍ يزبـن مـن نصـاه
لا ثقـل حـمـل البليـهـي وبـحـل بــه البلـيـه
عـــزوة ٍ مـنــا وفـيـنـا ولا مـنـهــم غــنــاه
قبـل امـس وامـس واليـوم واللـي يقتفـيـه
سلـمـه خـــط ٍ حـروفــه تـلـيـق بمـسـتـواه
وحب لي خشمه وراسه وسلـم لـي عليـه
وقلـه ان البحـر بامواجـه وملـحـه ومــاه
ومـده وجــزره وساحـلـه والـلـي يحتـويـه
ينلـحـق مــداه وابــوي مــا يـلـحـق مـــداه
لـو يتيـه بوجهـة الرحلـه الـلـي مــا يتـيـه
يـدري الامـوات واللـي علـى قـيـد الحـيـاه
فيهـم اللـي يكـرم الصقـر واللـي يشتـويـه
وكان شاف المخلص المجتهد يلقى جزاه
نـظـرة عـيـون ٍ تبـيـع الـغـلا مــا تشتـريـه
اكتفـى بالنـيـه وصــار سـيـف ٍ فــي خـبـاه
ما يساق العود الازرق على اللي ما يبيه
( زبـدة المـوضـوع مــن مبـتـداه لمنتـهـاه
من اول بيـت القصيـده الـى اخـر مـا يليـه
الكـفـو عـثـرة لسـانـه تقـلـل مـــن غـــلاه
والـردي يخطـي ويبطـي لا منـه ولا عليـه
والثقـه كنـز ٍ ركـونـه تنـومـس مــن بـنـاه
والحكي لـو نـزّه الدنـس مـا دنّـس نزيـه )
تستاهل القصيده يا بطل ترى مو حقك حقك اكبر منجذي
« آخـــر الـــمـــشـــاركــــات »
07-18-2010, 04:12 PM
العرض العادي
