بسم الله الرحمن الرحيم

السلام عليكم ورحمة الله وبركاته

في احدى السباقات المحليه شاركت مع الشباب في موسم 2007 2008

وكان السباق من الرويس

وطبعا ما كنت جاهز 100 % لكثرة انشغالي في ذاك الموسم

وللاسف الشديد صادف يوم اطلاق الحمام عاصفه رمليه ورياح شديده جدا شماله شرقيه

وكانت مسافتي تقريبا 81 كم من الهده

وعند وصول الحمام طبعا ما فزت وفقد طيور كثيره في هذا السباق

وبعد اسبوع او 10 ايام من السباق اتصل احد الاخوان من البحرين

على هاتفي الجوال وقال : السلام عليكم ورحمة الله وبركاته

ورديت السلام

قال كيف حالك يابوخليفه قلت له الحمدالله بخير

توقعت انه يكون واحد من الشباب مسافر البحرين ومتصلي من هناك

ولكن طلع المتصل شخص بحريني وسالني عن طير دباسي رقمه 28743

قلت له والله الطير اوراقه ضايعه للاسف والطير مجهول

قالي اذا تبي الطير موجود في الحفظ والصون

قلت جزاك الله خير وبارك الله فيك الطير من صوبك

وانا قل اهتمامي في السباق لكثرة اشغالي

وانتهت المكالمه......

وطبعا كان اللوفت خالي بدون حمام شلته كله وديته العزبه

واللوفت مغبر ومهجور

وفي الموسم التالي 2008 2009

طبعا بلشت السباقات من جديد وانا ماشاركت

وفي يوم من الايام رحت فوق السطح القي نظره على اللوفت لاعادة النظر في السباق

والمفاجأه حصلت طير في اللوفت شكله مب غريب على

ومسكته اشوف الرقم

طلع الطير 28743

وهذه صورته

http://www.kwtzajelunion.com/vb/imag...c481217fdc.jpg

http://www.kwtzajelunion.com/vb/imag...c48125258e.jpg

http://www.kwtzajelunion.com/vb/imag...c481236830.jpg

والمفاجأه الثانيه انه عليه حجل اللكتورني برايكن

وانا حجولي كلها بنزنق

وكان الاستنتاج من ذلك ان الطير سابق في البحرين

وعند استعادة قوته عاد الي موطنه الاصلي

واقدم اجمل تحيه لخوي بوعيسى من البحرين المتسابق المعروف

واقوله هارد لك ههههههههههه

والجميل في الزاجل مهما ضل طريق العوده عند استعادة قواه يرجع لموطنه ولا ييأس

واسمحولي على الاطاله

واتمنى اعجبتكم القصه

تحياتي للجميع

وعليكم السلام ورحمة الله وبركاته

اكيد اخوي هاوي قديم في مواقف مع الزاجل الواحد ماينساها

وتخلد في الذكرى وتكون جميله

شاكر لك مرورك العطر

حياك الله اخوي الرسال

فعلا الزاجل له انجازات جميله جدا

ماعندي الا حلالك يالمرسال اذا عاجبك الدباسي

ياطرشه لك بس اخاف يخونك ويرجع لي هههههههههه