|
هل عندك ثقه في حمامك
بسم الله الرحمن الرحيم السلام عليكم ورحمة الله وبركاته هل عندك ثقه في حمامك لما نشتري طيور غالية الثمن اكيد انها محققه نتايج قويه ومن سلاله قويه طيب لا نريد الخوض في ادارة الحمام والسلاله والتدريب وانما نتكلم عن الثقه واختيار الحمام الي بيحقق نتايج وبيفوز مع احترامي لجميع الهواه ودون التقليل في الخبرات ودون الانتقاد هذا راي اونظره فقط من خلال هذا المنبر كثير من الهواه يسابقون بعدد 100 طير واكثر ليش ماعندك ثقه في طيورك ؟؟ عزيزي الهاوي انت الحين شاري حمام غالي الثمن مايقارب 1000 دينار او 10.000 ريال او اغلا بكثير ومجتهد في العنايه والاداوي والنظافه والمصاريف وانتجت هذا الحمام وفرخته وفي النهايه ماعندك ثقه فيه لانك ضفت عليه حمام كثير وانت خايف ان هذا الطير مايفوز وحطيت معاه 99 طير صار الحمام 100 طير معناتها ثقتك في هذا الفرخ الي انتجته 1 % 100 مافي ثقه كلش انت كذا ظلمت هذا الطير وظلمت الجوز امه وابوه وظلمت نفسك في شراء هذا الجوز لانك ماعطيته حقه من الاهتمام والثقه ولاعطيته فرصه ليثبت نفسه لك وهذا خطاء كثير من الهواه وانا واحد منهم دائما نبحث عن الفوز السريع ونبي نزاحم الهواه الكبار والمخضرمين اجي واحط لي 150 طير واقول يالله بسابق وابي افوز واذا كانت هذه بدايتي في الهوايه عمري ماراح اتعلم وبمل بسرعه وبترك الهوايه بسسب نكسه بعدم الفوز شلون تقدر اتركز على 150 طير !!!! بتتعب تعال شوف السباقات في الخليج الهواه 10 وسيارة السباق فيها 2000 طير !! شلون تبي تصير محترف خلنا نشوف سباقات اوربا الهواه 500 والسياره فيها 10,000 طير في نسبه وتناسب يطلع كل هاوي ب20 طير • بورجيز (502كم) على 32,762 طير حقق المركزين 228 , 351 ( شارك بطيرين فى السباق) • أرجنتون (579كم) على 21,299 طير حقق المركزين 3 و378 ( شارك بطيرين فى السباق) 2006 • بورجيز (502كم) على 12,898 طير حقق المركزين 63 و 116 ( شارك بطيرين فى السباق) الطيره المحقق المركز 63 هى الاخت غير الشقيقه للقولدن هاند. • بورجيز (502كم) على 26,989 طير حقق المركز 13 و 4267 (شارك بثلاثة طيور فى السباق)، الطيرة الفائزه بالمركز 13 هى بنت القولدن هاند. • أرجنتون (579كم) على 4,091 طير حقق المركز 7 (شارك بطيرين فى السباق). • أرجنتون (579كم) على 14,534 طير حقق المركزبن 6 و729 (شارك بطيرين فى السباق). مجموع الطيور فى لوفتات رودى ديلاس: • 10 ازواج انتاج . • 14 فحل متسابق . • 10 اناث متسابقه. • 60 فرخ. كثير مانسمع عن قصص هواه ابطال كانت بدابتهم ب10 طيور او 20 طير والاغرب من ذلك هناك ابطال ظهروا من وراء بيضه واحنا للحين كل سنه نطلب 50,000 حجل ونفرخ الحمام لين ينبط من التفريخ وكل هاوي ينتج من 150 الى 300 فرخ وبعد مب عاجبنا بس من نسمع عن مزاد طرنا وبنشتر يعني بنشتري مهما يكون الثمن غالي بس لانه عاجبني وهذه السلاله ماعندي منها طيب ليش ماعندك حمام ماهو سلاله العدد الي عندك موكافي حمامك مايفوز وين المشكله عزيزي ارجوك تجاوبني الغرب قاعد يبيع البيضه بالسعر الفلاني يعني سمك في البحر هم يفكرون في البيع والاقتصاد في الهوايه واحنا نفكر شلون نشتري ونكثر مجموعتنا الراقيه احنا نقول نقلل الحمام عشان نركز ونحترف والبعض يقول لا والف لا لازم انكثر الحمام عشان انفوز طيب خذ الفوز لكن تأكد انك غير سعيد بذلك لان طموحك بس الفوز فقط لوكان طموحك للفوز بجداره بمعنى اخر مثلا التركيز على الطير والمتابعه الجيده وتكون انت من صنع الفوز والابطال وليس الفوز والابطال الذين صنعوك سوف تقدر معنى الفوز الحقيقي عزيزي الهاوي بداية الغيث قطره وبداية مشوار البطوله حمامه واحده والتوفيق للجميع واسمحولي على الاطاله في هذه المقاله ولكن هذا من حبي للهوايه والارتقاء شكرا لحسن قارئتكم تحياتي للجميع بوخليفه |
بسم الله الرحمن الرحيم السلام عليكم ورحمة الله وبركاته اشكرك ابوخليفة على الموضوع الرائع وجهة نظري بالموضوع اتمنى لا تفسد من الود قضية اوروبا تختلف عنا بنواحي كثير اولها المناخ والطبيعة ثانيها الخبرة ولا في قصور فينا والتجربة تجعل ثقتك تختار للحمام موفق بإذن الله ... لك مني أجمل تحية . |
أووووه يابوخليفه تراك الدق على الوتر الحساس هناك غير وعدنا غير ..عدنا كثر الجيش يطلع فارس أما عندهم إحتراف وقياس للبطل كم دخل من الحمام فى السباق وكم دخلو فى النتيجه ..مثلا دخل 10 حمامات وفى النتيجه 8حمامات ولو ماطلع الأول بعتبر عندهم بطل مميز بس عندنا غير إلى ياخذ الاول هو البطل لو مدخل ألف حمامه ..تحياتى |
السلام عليكم ورحمة الله وبركاته
شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية . |
السلام عليكم ورحمة الله وبركاته
مشكور يابو خليفه على الموضوع الحساس صحيح الكلام الي بالموضوع كله نحب نشتري ونركب ونفرخ ونكثر الحمام ولا نقدر نركز على الابطال ونظلم الحمام وهم نظلم التراكيب وفي وقت المشتره بالمزادات طرنه على قولت بوخليفه وشرينه من السلالات وقلنا ماعنده منها بس نبي نشتري وبس هذا الضياع الحقيقي للهاوي اشكرك على الموضوع وتسلملي الأنامل الذهبيه |
اقتباس:
حياك الله اخوي مكافح وشكرا على المرور اكيد احترم رايك ووجهة نظرك بس الموضوع ماله علاقه في العوامل الطبيعيه وبالنسبه للخبره مشاءالله عندنا ناس يمارسون هذه الهوايه من 20 سنه ولا تعليق |
اقتباس:
شكرا اخوي المرسال على التعقيب ولكن ليش مانتطور ونغير الهذه المقوله ( كثر الجيش يطلع فارس ) الناس تختصر المسافات وتبداء حيث ماوصلو اليه الكبار واحنا نبتدي من الصفر كلشي متوفر عندنا ولله الحمد الماده والعلم والجوده والامكانيات وشكرا لك مره اخرى |
اقتباس:
هههههههههههههههههههههه خليت كل الموضوع ومسكت على طرنه نشتري طيب هذا واقعنا انا شاسوي ههههههههههههههههه حياك الله اخوي بوسعود وشكرا على تجاوبك |
ولو العفو يابو خليفه
|
شـكــ وبارك الله فيك ـــرا لك ... لك مني أجمل تحية .
|
| الساعة الآن 11:30 PM. |
Powered by vBulletin® Special Version Ultimate Users, Copyright ©2000 - 2026, Jelsoft Enterprises Ltd.