|
بعض الاسئله وودنا نستفيد منكم يااخوان
السلام عليكم ورحمه الله وبركاته
مبارك عليكم الشهر فيه بعض الاسئله والاستفسارات دائما تدور ببالي من تعرفت على الهوايه وودي اعرف الاسباب .!! 1. ليش سرعات الحمام في الوطن العربي او الخليج خاصه اقل من سرعات الحمام في اوروبا مع انه نفس السلالات موجوده اهنيه وهناك .؟؟؟ 2. ليش الكل يعتمد على تجويع الحمام عشان يتقرب له والاكل يكون على وجبات وليس متوفر باللوفت عند الحمام 24 ساعه ؟؟ 3. هل فيه احد جرب يسابق بالحمام من غير لايهدهم من مسافات قبل السباقات ويدربهم ؟؟ واذا فيه احد جرب ياليت يذكر لنا المركز ..؟ 4. هل فيه برنامج معين لمطيار الزاجل اليومي وهلا تراقب الزاجل بالرجوع وهل تلاحظ شيء بالزاجل اذا رجع من المطيار او السباق وهل فيه فرق برجوع الزاجل من السباق او المطيار ..؟ 5. هل يبذل جهد اكثر الزاجل بالسباق اذا كانت مده السباق ساعه مثلا وهو يطير بشكل يومي ساعه هل جهده اكثر بالسباق ..؟؟؟ دمتم بخير |
انشاء الله الشباب يفيدونك ماراح يقصرون |
1. ليش سرعات الحمام في الوطن العربي او الخليج خاصه اقل من سرعات الحمام في اوروبا مع انه نفس السلالات موجوده اهنيه وهناك .؟؟؟
اذا كان هناك اختلاف وانت متاكد فاعتقد سببه التغير المناخي |
2. ليش الكل يعتمد على تجويع الحمام عشان يتقرب له والاكل يكون على وجبات وليس متوفر باللوفت عند الحمام 24 ساعه ؟؟
لواكو غير طريقه للصيطره على الحمام كان عملنه بيه والنضام الغذائي يحافض على لياقت الحمام يعني التجويع مفيد ايضا |
5. هل يبذل جهد اكثر الزاجل بالسباق اذا كانت مده السباق ساعه مثلا وهو يطير بشكل يومي ساعه هل جهده اكثر بالسباق ..؟؟؟
دمتم بخير طبعا يبذل بالسباق او التدريب جهد اكبر ممايطيره فوق اللوفت لانه فوق لوفته يكون مرتاح وقريب عن مسكنه |
وهذه الاسئله اللي اجيد اجابتها والاجتهادات كثيره بالحمام الزاجل وان شاء الله الاخوه يردون على باقي النقاط وتحياتي لك اخي العزيز
|
3. هل فيه احد جرب يسابق بالحمام من غير لايهدهم من مسافات قبل السباقات ويدربهم ؟؟ واذا فيه احد جرب ياليت يذكر لنا المركز ..
نعم انا كان عندى طير لم يدخل اى سباق و لم يتدرب اكثر من مسافه 46 كيلو و رأسا دخلته فى سباق البحرين اكثر من 350 كيلو و كان الهوه ضده شمال قوى و احرز المركز الخامس |
1. ليش سرعات الحمام في الوطن العربي او الخليج خاصه اقل من سرعات الحمام في اوروبا مع انه نفس السلالات موجوده اهنيه وهناك .؟؟؟ غير صحيح لان بالكويت وصلت السرعه في احد السباقات 122 كم /الساعه والسرعه يحددها اتجاه وشده الرياح 2. ليش الكل يعتمد على تجويع الحمام عشان يتقرب له والاكل يكون على وجبات وليس متوفر باللوفت عند الحمام 24 ساعه ؟؟ لو توفر لهم الاكل 24 ساعه ما يسمعون كلامك ولا يطيعو اوامرك لانهم شبعانين وفسقانين لو جوعت الطير غصب عليه يسمع كلامك وينفذ اوامرك 3. هل فيه احد جرب يسابق بالحمام من غير لايهدهم من مسافات قبل السباقات ويدربهم ؟؟ واذا فيه احد جرب ياليت يذكر لنا المركز ..؟ هذا السؤال جاوبك عليه العم بو سليمان ولكن التدريب ضروري قبل السباقات 4. هل فيه برنامج معين لمطيار الزاجل اليومي وهلا تراقب الزاجل بالرجوع وهل تلاحظ شيء بالزاجل اذا رجع من المطيار او السباق وهل فيه فرق برجوع الزاجل من السباق او المطيار ..؟ المطيار تمرين يومي عادي ويطب بلياقته وصحته ممتازه اما السباق اذا كان سباق صعب وشاق طبيعي بيوصل منهك وتعبان ويبيله يوم او يومين يسترد عافيته مع اعطائه بعض الاملاح والالكترولايت والجلوكوز 5. هل يبذل جهد اكثر الزاجل بالسباق اذا كانت مده السباق ساعه مثلا وهو يطير بشكل يومي ساعه هل جهده اكثر بالسباق ..؟؟ ساعه ما تفرق للطير اذا المسافه قصيره كأنه راد من تدريب النويصيب ولكن اذا مسافه وسط او طويله نعم في فرق كبير |
يعطيك العافيه اخوي عباس حسين ومن ناحيه المناخ اعتقد ممكن يكون سبب بس ثانوي مو سبب اولي لسرعات الحمام ومن ناحيه الجوع ممكن يكون فيه طرق بديله ..
مشكور اخوي جاسم الكليب على المعلومه وهذي راح تفيدني كثير .. |
اقتباس:
هل تقصد يعني نادر سرعات الزاجل سريعه بالخليج ؟؟وهل تقارن سرعات الحمام بااوروبا نفس سرعات الخليج او نادر يطلع طير طيرين بالسنه ..؟ |
| الساعة الآن 02:51 AM. |
Powered by vBulletin® Special Version Ultimate Users, Copyright ©2000 - 2026, Jelsoft Enterprises Ltd.