اولا اشكرك على الهدية الحلوه بكسر الواو يا صديقي...ثانيا انا مش مختلف معاك في أي حاجة سوى استخدام الشهادة، فانا لا استخدمها بتاتا حتى في المطبخ احتراما لاسم صاحبها...ومع ان حمامي متأسس على شهادات اللي غايضني ليه احنا بنفتخر في بياناتها والمفروض نفتخر فقط بنتائج الطيور اللي تحقق نتائج ممتازة (عندنا احنا) ونحصر مكان الشهادات في الالبوم أو الدرج فقط للي عاوز يرجع لها ويعاينها....ولما يعجبني اداء طير من طيور هاني مثلا اشتري منه ومش ضروري اطلب منه شهادة لأني واثق من تربية هاني لطيوره...
بالنسبة للادوية...كل الحكاية اني عارف الايجابيات والسلبيات اللي ذكرتها حضرتك ومهتم في النوعية وليس في الكمية....لذلك انا بأعتقد ان الخط اللي انا ماشي فيه هو صحيح ها يتعبني اوي اوي لكنه في ظرف يمكن خمس سنين او اكثر والله اعلم سيحقق النوعية والكمية مع بعض.....وورانا ايه...وبالنسبة للثوم ده صاحبي وعزيز عليا ولعلمك هو دواء افخم من كل حاجة يا باشا فلا تستهين فيه لأنه حاجة جامدة طحن...ووالله لو انا شايف ان الادوية فيها فايدة للي سبقوني كنت التزمت فيها بالنسبة للحمام...وانا يا اخي قبل ما احاول اقرر ان اجرب حكاية الطب البديل على الحمام جربته على نفسي كإنسان من زمان اوي....زي مابنقول (لا للمخدرات) انا كمان بأعتقد بأن (لا للمضادات) فكرة طيبة...وتقبل تحياتي وتقديري