[Thamer Rashed]

بسم الله الرحمن الرحيم
السلام عليكم ورحمة الله وبركاته

اليوم جايب لكم قصة الحمامه اللي اشتريتها هذه السنه وعمرها 8 سنوات وكانت مرهقه من التفريخ والخصوبه اضعفت عندها ، وشنو سر الحبه السوداء معاها!!؟ .. خلك معاي وهذه المعلومه حبيت أعرضها للفايده لأخواننا لأن ذاك اليوم كنت جالس في ديوان وتحدث رجال عن حمامه باضت اليوم عنده بيضه وحده فقط ويمكن من هالمعلومه يستفيد وتبيض بيضتين والله تعالى اعلم ، ولكن هذه تجربتي

اشتريت الحمامه وركبتها فحل مشهود لها بالأنتاج عندي وباضت بيضه ،، وخليتها ترتاح جم يوم وكسرت البيضه هم بعد ماصملت ،، وباضت بعد مره ثانيه بيضه ونفس الحاله ! .. اتصلت في راعيها وسألته عن وضعها شنو كان عندك؟ قال والله كانت عندي بيضتين ولا عمرها باضت بيضه، آمنت بالله وصدقته .. وفكرت مع نفسي وفات الأوان من أنتاجها وراح وقت طويل أكثر من شهر ونص وانا معاها .. وقلت بشتري هالحبه هذه السوداء ، طبعا هالحبه هذي عباره عن مشهي ومكمل غذائي قوي ومن مواد أعشاب حتى كسرتها وشميت ريحتها أدويه .. وعزلت النثيه لحالها واشتغلت عليها حبه يوميا مدة 5 ايام .. وركبت عليها فحل وماشاء الله بيضتين شغاله والحمدلله

وعقبها بعد كملت عليها حبوب كالسيوم مع فيتامين حبوب قلت أبي الخصوبه تستنشط

ومشكورين للمتابعه :)