يالله يا اللي كل الأمات ترجيك .. يا واحد ماخاب حي ترجاك
يارب عبدٍ مامشى في معاصيك .. ولا يمشي إلا في محبتك ورضاك
يامرقب بالصبح ظليت باديك .. ما واحد قبلى خبرته تعــلاك
وليت ياذا الدهرما أكثر بلاويك .. الله يزودنــا السلامه من اتلاك
يللى على العربان عمت شكاويك .. وليت يا دهر الخطاء ول مقواك
واليوم ها الكانون غاد شبـابيك .. تلعب به الأرياح من كل شبـاك
يا مالك اسمع جابتى يوم أوصيك .. واعرف ترى يابوك بآمرك وانهاك
وصيةٍ من والد طامع فيك .. تسبق على الساقه لسانه لعلياك
أوصيك بالتقوى عسى الله يهديك .. لهـــا وتدركها بتوفيق مولاك
احفظ دبشك اللى عن الناس مغنيك .. اللى إليا بأن الخلل فيك يرفـاك
اجعل دروب المرجلة من معاليك .. وأدراج سيسها على العز مرقاك
لاتنسدح عنها وتبغينى أعطيك .. جميع ما يكفيك ما حاصل ذاك
أدب ولدك إن كان تبغيه يشفيك .. واستسعفه من بعد مرباه بالاك
اما سمج واستسمجك عند شانيك .. ويفر من فعله صديقك وشرواك
وإلا بعد جهله ترى هو بياذيــك .. لو زعلت أمه لا تخليه يــالاك
واحذر تضيع كل من هو ذخر فيك .. معروفه لاتنساه وأوفه لعـرفاك
ترى الصنايع بين الأجواد تشريك .. اليا طمعت بغرسهــا لا تعداك
واوف الرجال احقوقها قبل تعنيك .. لا تعتمد بالعفو فالحق يقفــاك
وهرج النميمة والقفا لا يجى فيك .. وإياك عرض الغافل إياى وإياك
تبدى حديث الناس وفيه تشكيك .. وتهيم عند الناس بالكذب واشراك
واذا نويت احذر تعلم بطــاريك .. كم واحد تبغى به العرف وأغواك
من اجمل قصائد النصح
واحذر شماتت صاحب لك مصافيك .. والا جرى لك جارى قال لـولاك
لا تحسب ان الله قطـــوع يخليك .. ولاتفرح أن الله على الخلق بداك
إن اشتهى حط الطمع في تواليك .. لو ما لقيته يافتى الجود يلقاك
الضيف قدم له من حين يلفيــك ..مما تنوشه يا فتى الجود يمنــاك
أكرم اقباله فإنها من شواديـــك .. وابذل له المجهود مــادام يعناك
احذر تلقي الضيف مقرن علابيك .. خله محب لك صديق إذا جــاك
وأوصيك زلات الصديق إن عثا فيك .. مازال يغطاهـا الشعر فاحتمل ذاك
راعه ولو ما شفت انه يراعيــك .. عساك تكسر نيته عن معـــاداك
لاتأمنه واطلب من الله ينجيـــك .. ويكفيك ربك شـــر ذولا وذولاك
شفنى أنا يــا أبوك بآمرك وانهيك .. عن التعرض بين الاثنين حــذراك
إذا حضرت أطلابه مع شرابيك .. اسع لهم بالصلح واللاش يفداك
ابذل لهم بالـطيب ربك ينجيك .. لاتجضع الميزان مع ذا ولاذاك
أما الشهادة أدها إن دعوا فيـك .. بين عمود الدين لاعميت أريـاك
بالك تماشى واحد لك يرديــك .. طالع بنى جنسك وفكر بممشاك
رابع أصيل فى زمانك يشـاكيك .. لي شاف خملاتك عن الناس غطاك
وأحذرك عن طرد المقفي حذاريك .. عليك بالمقبــل وترك إللى تعداك
ثم العن الشيطان لياَّه يغويـــك .. ترى إن تبعته للشرابيــك وداك
أوصيك لاتشكى علينا بلاويــك .. أنت السبب طرفك عيونك بيمناك
واعرف ترى إلى واطي الفهر واطيك .. ولا أنت أعز من الجماعة هذولاك
المسك يا راسى عن الذل واخطيك .. واحذر تكلم يا لســـانى حذراك
والطف بجارك وقم من دون عانيك .. وافطن لما يعنيك عن ربعة أحواك
يا ذيب وإن جتك الغنم فى مفاليك ..فاكمن الى حيث الرعايا تعداك
من أول يا ذيب تفرس بيــاديك .. واليوم جـا ذيب عن الفرس عداك
يا ذيب عـاهدنى وأعاهدك ما أرميك .. ما أرميك أنا يا ذيب لو زان مرماك
والنفس خالف رأيها قبل ترميــك .. ترى لها الشيطان يرمى بالإدراك
ومن بعد ذا لا تصحب النذل يعديك .. وعن صبحة الأنذال حاشاك حاشاك
ترى العشير النذل يخلف طواريك .. وأنا أرجي أنك ما تجى دون أباك
والهقوة إنك ما تجى دون أهاليك .. ولا ذكر عود الورد يثمر بتبنـاك
والحر مثلك يستحي يصحب الديك .. وأن صاحبه عاعا معاعات الأدياك
لا تستمع قول الطرف يوم يلفيك .. بالكذب يقضى حاجته كل ما جاك
من نم لك نم بـك ولا فيه تشكيك .. ولاه قد أزرا رفيقــك وأزراك
عندك حكا فينا وعندي حكى فيك .. وأصبحت كارهنا وحنا كرهناك
ما اخطاك ما صابك ولو كان راميك .. وإلي يصيبك لو تتقيت ما أخطاك
مير استمع منى عسى الله يهديك .. النصح يـا مالك لك الله مولاك
عندى مظنة مـا تمثلتها فيك .. واطلب لك التوفيق من عند مولاك
« آخـــر الـــمـــشـــاركــــات »
12-23-2011, 11:10 AM
اتمنا من الاخوه يقرون القصيده
العرض العادي
